Archive Page 2

დასაწყისის დასაწყისი-18 კვირა. mom to be?

18 კვირის ხარო თიქერმა. მოკლედ, თამამად შეიძლება ითქვას რომ მე და ჩემი მუშკეტერი უკვე დიდები ვართ  18 კვირა უკვე მეხუთე თვის დასაწყისია. 18 კვირა კიდევ ექოსკოპიის კვირაც არის. არსებობს ასეთი სახელმწიფო პროგრამა, რომელშიც ორსულები 13 კვირამდე ვერთვებით და გარკვეული გამოკვლევები უფასოდ გვეკუთვნის. ყველა ორსულისთვის საყვარელი გამოკვლევა ექოსკოპიაა, ამიტომ მოუთმენლად ველოდი ამ დღეს და ერთი წუთიც არ გადამიცილებია ისე გავვარდი ექოზე. ამ ვადაზე უკვე ზოგადი განვითარება მოწმდება- ბავშვი უკვე საკმარისად დიდია საიმისოდ რომ მისი ორგანოები ინახოს. მოკლედ, ბევრი რომ არ გავაგრძელო ჩემი ხვნაცალა მუშკეტერი ლამის ყირაზე გადადის მუცელში, მე კიდევ ვერაფერს ვგრძნობ ჯერ. თავის პაწია ხელ-ფეხს იღებს, ხტის , ბრუნავს, ჭიპლარით ერთობა…. მოკლედ, არ იწყენს. 
რაც არ უნდა ბევრი ვწერო ორსულობაზე, დედობაზე, ვეფერო ბავშვს – ჩემი ბავშვიც და ჩემი დედობაც ჯერ მხოლოდ აბსტრაქტულია. საოცრად აბსტრაქტული. ჯერ იმიტომ რომ არც მეტყობა გარეგნულად, არც მუცელში იგრძნობა რამე. ხანდახან ეჭვი მეპარება ხოლმე 😀
მიჭირს იმის აღქმა, რომ ადამიანი მყავს მუცელში, მე ის ადამიანი უნდა გავზარდო, ის ადამიანი ჩემია, ამ kool-kids-tees-future-mom-maternity-t-shirt-in-white_designადამიანს მე ბევრი რამ უნდა ვასწავლო, ბევრი ვინერვიულო, ბევრი უძილო ღამე გავათენო, ჩემი თავი დავუთმო. არა, განა ვერ ვეგუები ან ამის მიღება არ მინდა. პირიქით, სულმოუთქმელად ველი როდის გავა დრო, როდის გამოჩნდება , ხელში დავიჭერ. მაგრამ მეშინია. პასუხისმგებლობის არა. არც ვიცი რა ქვია ამ შიშს. ეხლა ვინმე იფიქრებს, თუ მზად არ იყავი , რას გადადგი ეგ ნაბიჯიო. მემგონი ეგ ის საკითხია, რომლისთვისაც არასდროს იქნები მზად. აი ასე, იცი დღეს 35 წლის ვარ, საკმარისი ვიცხოვრე, კარიერა ავიწყვე, დასახულ მიზნებს მივაღწიე (ნაწილს მაინც) და უკვე მზად ვარ მყავდეს შვილი- არ არსებობს. რასაკვირველია, რაღაც ეტაპი უნდა დაასრულო და ეს ნაბიჯიც მერე უნდა გადადგა, მაგრამ ცალსახად მაინც ვერ იტყვი 22 წლისა უფრო მზად ხარ თუ 32 ის…
ვბოდავ ეხლა 
წავედი რამე კარგ ფილმს ვნახავ, ისეთი ამინდია, კარგ დრამას სიამოვნებით ვუყურებთ მე და ჩემი მუშკეტერი.

დასაწყისის დასაწყისი- 16 კვირა

ბოლო პოსტი 7 კვირაზე დამიწერია. ახლა ვარ 16 კვირის, რაც ნიშნავს, რომ ყველაზე რთული პერიოდი 630-pregnancy-cartoonგავლილია. შევეცდები მოკლედ მოვყვე რა ხდებოდა ამ კვირებში : ). დავიწყებ იმით, რომ ორსულებში იმუნიტეტი ზოგადად ქვეითდება. ეს არის ორგანიზმის დაცვითი მექანიზმი, რომელიც ეგრევე ამუშავდება რომ ე.წ ”უცხო სხეულს”, რომელიც პატარა ემბრიონის სახით ჩამოყალიბდა, თავად ორგანიზმმა არაფერი ავნოს. ამიტომაცაა, რომ ორსულები უფრო ადვილად ინფიცირებიდან ნებისმიერი ვირუსით და უფრო მეტად საფრთხილოცაა. მეტიც, წამლებიც განსაკუთრებული სიფრთხილით ინიშნება და პირველ ტრიმესტრში პარაცეტამოლიც კი განსაკუთრებულ შემთხვევაში უნდა დალიო. მეც ვერ ავცდი 8 კვირაზე გაციებას და 40 გრადუს სიცხეებს. 3 დღიანი მაღალი სიცხეები ლამის ისტერიკული ტირილის ფონზე ”მოვიშორე”, ძალიან მეშინოდა რამე გართულება არ მოჰყოლოდა. ამიტომ, მოვმჯობინდი თუ არა ექიმს ვეკვეთე და საბედნიეროდ ყველაფერი კარგად იყო : )
პირველი ტრიმესტრის თითქმის ბოლო, მე-12 კვირა ერთ-ერთი გადამწყვეტი კვირაა. ამ დროს, ორსულობის დადასტურების და გულისცემის მოსმენის შემდეგ, ყველაზე მნიშვნელოვანი ექოს დრო მოდის. ამ ექოზე ფასდება ნაყოფის ზოგადი განვითარება, იზომება ცხვირს ძგიდე და კისრის ნაოჭი. ეს ორი მაჩვენებელი ერთ-ერთი ინდიკატორია დაუნის სინდრომის დაავადების გამოვლენისათვის. კისრის ნაოჭის სისქე 3მმ-ზე ქვემოთ კარგი პასუხია, უფრო სქელი კი მხოლოდ ვარაუდის დონეზე გვაძლევს მინიშნებას, რომ შესაძლოა ბავშვს დაავადება ჰქონდეს (თუმცა 100% დადებითი პასუხი არაა, საამისოდ დამატებითი კვლევები დაინიშნება საჭიროების შემთხვევაში). მოკლედ , რაც ეს ამბავი გავიგე 12 კვირას მოუთმენლად ველოდი. აქაც შეგნებულად აღარ ვპოსტავდი. მინდოდა მენახა რომ ყველაფერი კარგად იყო და მხოლოდ მერე გავაგრძელებდი წერას. ექოზე რომ მივედი, ჩემი წერტილი უკვე ადამიანს ჰგავდა : ). თავის პატარა ხელებს იქნევდა და ცურავდა! ეგ კადრი არასდროს დამავიწყდება, ვინანე, რომ დისკზე არ იწერებოდა. მოკლედ, ყველა მაჩვენებელი წესრიგში იყო და ამ ვადაზე სქესიც გაგებაც შეიძლებოდა. ამიტომაც, როგორც კი ყველაფერი ნორმის ფარგლებში იყო ეგრევე ვაჯახე კითხვა ექიმს და იმანაც პატარა მუშკეტერიაო : )
მოკლედ ის იყო 12-მა კვირამ გადაიარა და მეგონა ყველა სანერვიულო უკან მოვიტოვე, სისხლიანი გამონადენი დამეწყო. რაც ზოგადად არ ნიშნავს არაფერს კარგს. საბედნიეროდ, ექიმთან ვიზიტმა ამ შემთხვევაშიც კარგად ჩაიარა და ეს გამონადენიც ტონუსს დაბრალდა.
ასე თუ ისე, მოვჩანჩალდი 16 კვირამდე : ) საბედნიეროდ ავცდი ტოქსიკოზს, მხოლოდ საშინელი უმადობით შემოვიფარგლე და უბრალოდ ძალით ვჭამდი, არ მშიოდა. 13 კვირის მერე ამანაც ნელ-ნელა გაიარა. ამ ეტაპზე გრამი მატება არ მაქვს. ჩემი მუცელიც ისვ ისეთია როგორიც აქამდე- მეოთხე თვეში ვარ და არაფერი მეტყობა, ბავშვის მოძრაობაც ჯერ ადრეა. ამიტომ, ზოგჯერ ფიქრები შემომიტევს, რომ რაღაც ისე არაა, მაგრამ მერე ვწყნარდები. როგორც ჩანს, ორსულობის სინდრომია ეგ : )
ახლა მგონია რომ ყველა სანერვიულო ჩავლილია და უკვე განვაახლებ წერას 🙂
მომავალ პოსტამდე
pregnant-women-cartoon-wallpaper-010

დასაწყისის დასაწყისი- 7 კვირა

კალენდარი უკვე 7 კვირას გვიჩვენებს. მე ჯერ ისევ ეიფორიაში ვარ და ვერ გამირკვევია ჩემ თავს რა ხდება 284-Mom-To-Be : ) . თეორიულად ვიცი, რომ უზარმაზარი გარდატეხის პერიოდი მაქვს და ჩემი ცხოვრება გაიყოფა ორად- ’’ბავშვის გაჩენამდე’’ და ’’ბავშვის გაჩენის’’ შემდეგ. 7 კვირის ორსული- თითქოს ბევრია. თითქმის 2 თვის მეთქმის. გარეგნულად ზუსტად ისევე ვარ როგორც თიქერი აჩვენებს მარჯვენა კუთხეში- არაფერი მემჩნევა. ახალი ამბავი ჩემი ბიჭის მეტმა ჯერ არავინ იცის, არც ვიცით ვის ან რას ვუნახავთ : ). ალბათ უფრო სხვა ფორმას მივცემ ”გამჟღავნებას” : ).
ვცდილობ რაც შეიძლება მეტი ინფორმაცია მქონდეს იმაზე თუ რა ხდება და ეხლა რა სტადიაშია ის წერტილი, ცოტახანში ბავშვი რომ უნდა დაერქვას.

” თქვენი პატარა გაზრდას იწყებს,ის ახლა მხოლოდ ბრინჯის მარცვლის ოდენა, მააგრამ ჩანასახის ტვინი გაანაგრძობს ზრდას.”

ბუნება საოცარი რამაა, ეს ისედაც ხომ ვიცით. სასწაულია, საიდან ”იცის” ჩემმა ორგანიზმმა როდის , რა , როგორ გააკეთოს რომ ახალი სიცოცხლე გამოზარდოს და გარემოსთან შესახვედრად მოამზადოს. ფანტასტიკის სფეროა თითქოს. მე სასწაულების და ღმერთის მჯერა და ახლა მითუმეტეს, ჩემ შიგნით ნამდვილი სასწაული ხდება 🙂
რაც შეეხება ”დედიკოს”, კარგად ვარ. ის ”წყეული” ტოქსიკოზი ჯერ არსად ჩანს. არც ”ორის მაგიერ” მშია ჯერ-ჯერობით, უფრო პირიქით მადის დაქვეითებას ვუჩივი. თითქოს საჭმელს ის გემო აღარ აქვს… არც კი მშივდება და ვჭამ იმიტომ, რომ სადმე არ წავიქცე. ძილიანობა კვლავ ჩემ გვერდითაა და ლამის ბალიშით ვიარო. ვითხოვ დეკრეტს, ორსულობის გაგების პირველივე დღიდან! : )) საჭიროა, ვახ!
ჩემ თავს ვეძახი აბსტრაქტულ ორსულს. ჯერ მხოლოდ ვიცი, მაგრამ ამას ვერ ვგრძნობ. განსაკუთრებით არც კვების რაციონი შემიცვლია, არც დღის რეჟიმი. მინდა ვიკითხო და მუსიკას ვუსმინო, გსმენიათ ალბათ კარგიაო- მაგრამ ჯერ მეეჭვება ტვინის ფორმირებით დაკავებული ჩემი წერტილი ამისგან სიამოვნებას იღებდეს. ცოტა მოიზარდოს, ამასაც ვიზამ. იმედია :დ
ვკითხულობ ათას ინფორმაციას, ვუყურებ ათას ვიდეოს და მოკლედ გამყავს ნელ-ნელა დრო, სამსახურთან ერთად რასაკვირველია 🙂
მომდევნო პოსტამდე!

დასაწყისის დასაწყისი- 6 კვირა

დღეს 26 თებერვალია. ჩემი კალენდრის მიხედვით ვარ 6 კვირის ორსული. ასევე დაადასტურა ექოს კვლევამ გუშინ. საბედნიეროდ, ყველაფერი კარგად მიდის. გუშინ ძალიან ემოციური დღე იყო. ექოს კაბინეტში ცოტა აღელვებული შევედი. ძალიან გამიხარდა ექოსკოპისტმა რომ მიცნო. მოლედ, როგორც იქნა ჩართო აპარატი და ასისტენტს კარნახობს მონაცემებს, რაც მერე იწერება პასუხში. ”ღრუში ფიქსირდება ერთი ცოცხალი ემბრიონი”- და აი ამაზე გული ამომიხტა : ) იმის იქით ბევრი აღარაფერი გამიგია. ზომები დაწერა და გულისცემა ჩამირთო. ისე სწრაფად და ხმამაღლა უცემდა, ჩემი მეგონა. რაღაც მომენტში ვიგრძენი, რომ გაკრეჭილი ვიწექი და ექიმმაც მუცლის კუნთები ცოტა მოადუნე, კარგად ვნახო ყველაფერიო.

მოკლედ, ემბრიონი იქაა სადაც უნდა იყოს და გულიც უცემს. ერთ-ერთი საიტის მიხედვით პატარა წერტილი აი ასეთ რამეებს აკეთებს ” ამ პერიოდში ბავშვი იწყებს სუნთქვას. თუმცა იგი ჯერ მხოლოდ ემბრიონია. მისი განვითარება ძალიან სწრაფად მიმდინარეობს. ამ კვირაში ჩამოყალიბებას იწყებს ყურები დაა თვალები. ასევე იწყებს პირის გაღებას, გული ცდილობს სისხლის გადამუშავებას და სხვა ორგანოებიც იწყებენ ფორმირებას, ასევე ჩანს კიდურების პატარა წარმონაქმნები. თვინი ცდილობს შეავსოს უკვე სხეულთან შედარებით შესამჩნევად გაზრდილი თავი. ასევე ნელ ნელა ყალიბდება კიდურები, მათი პირველადი მინიშნება კი ამ კვირაში იჩენს თავს.. მიუხედავად იმისა რომ ჩანასახუ სულ რამოდენიმე კვირისაა, ბავშვის გული პირველად სწორედ ამ კვირაში იწყებს ცემას, თუმცა იგი ძალიან სუსტია და მხოლოდ კარგი ულტრაბგერის აპატარები შეძლებენ მის ამოცნობას. ამის შემდეგ სისხლი დაიწყებს ცირკულირებას. ამ დროისთვის თქვენი პატარა დაახლოებით 2-4 მილიმეტრამდეა.”

რაც შემეხება მე, ჯერ-ჯერობით ტოქსიკოზი ან რამე სხვა ”გართულება” არ მაქვს. ერთადერთი რაც შეიცვალა ესაა მომატებული ძილიანობა- საკმარისია სადმე მყუდროდ დავჯდე და ეგრევე მეძინება, სამსახურშიც ძლივს ვიკავებ თავს : ) ამბობენ ტოქსიკოზი ასე 7-8 კვირაში ძლიერდებაო და ვნახოთ, ჯერ-ჯერობით არაფერი მსგავსი არ ხდება. ვაგრძელებ ფოლიუმის მჟავის მიღებას და დამემატა უტროჟესტანი- ეს საშვილოსნოს კედლების ტონუსისთვისაა. როგორც ექიმმა ამიხსნა, ეს უბრალოდ დაძაბულობის და გადაღლილობის შედეგია. ტონუსი შესაძლოა სულ არ გვქონდეს დილით, მაგრამ მოიმატოს საღამოს როცა სხეული გადაღლილია.
შემდეგი კვლევისთვის 12 კვირის ვადაზე დამიბარეს, ეს დაახლოებით თვენახევარშია. ცოტა მეშორება, Pregnant-Cartoon-Momმაგრამ ალბათ ასეა საჭირო :). ჰო მართლა, ორსულეისთვის არასასურველია- უფრო მეტიც- აკრძალულია ძალიან ცხელ წყალში ბანაობა, დაივიწყეთ აბაზანაში ნებივრობა და ა.შ , ასევე არ ვწევთ მძიმეებს, ვიკვებებით ჯანსაღად და შეძლებისდაგვარად ბევრს ვისვენებთ! : )
შემდეგ პოსტამდე

დასაწყისის დასაწყისი

უცნაური რამეა ეს დრო. გადის ნელა, მანამ სანამ უკან არ მოიხედავ და აღმოაჩენ, რომ თურმე მიფრინავს. აღმოაჩენ, რომ ისეთი რაღაცეები მომხდარა ან სულ მალე მოხდება, შორს რომ გეგონა. ზოგჯერ წარმოუდგენელიც გეგონა, ზოგჯერ გეგონა- მხოლოდ სხვის თავს ხდებოდა და შენ არაფერი შეგეხებოდა, ან ძალიან ძალიან გვიან შეგეხებოდა.
მეც ასე მეგონა, სანამ ამ ერთი კვირის წინ რაღაცეებმა არ დამაეჭვა და ბევრი მრომ არ გავაგრძელო, ეჭვებიც მალევე დადასტურდა. სულ ცოტა ხანი გავიდა მას შემდეგ, რაც ჩემი ცხოვრება გაორდა და ორნი შევიყუჟეთ ციცქნა ბინაში. ჰოდა, ახლა გავიგეთ რომ უნდა გავსამდეთ და სავარაუდოდ ჩვენი ბინაც აღარ გვეყოფა : ).
გადავწყვიტე, რომ ეს ის მოვლენაა რომელზეც მინდა რომ ვწერო. მინდა ჩემი ცხოვრების ეს მშვენიერი ეპიზოდი კარგად შემოვინახო. ამის გამო, აქაურობა ორსულობის ბლოგად შეიძლება იქცეს და ბევრი ქალური თემა გაჩნდეს. : ) მაგრამ ეს მოვლენა ღირს ამად. აქ, მომდევნო 8 თვის განმავლობაში უამრავი ჩანაწერი გაჩნდება, რომელიც ჰორმონების მოჭარბების გამო, შეიძლება ზედმეტად ემოციური ან წუწუნით სავსე იყოს. მე ძალიან ბედნიერი ვარ ახლა.
ვიფიქრე, როგორი შეიძლებოდა ყოფილიყო პოსტები. ბავშვის განვითარება, ზომა-წონა და ზოგადი ინფორმაცია ბევრ საიტზე შეგვიძლია ვნახოთ. რადგან ეს პირადი ბლოგია, რასაკვირველია ჩემი პირადი გამოცდილებასა და იმჟამინდელი მდგომარეობაზე უფრო უკეთ დავწერ, ვიდრე რომელიმე ენციკლოპედიას შეუძლია აღწეროს ეს. შევეცდები მაქსიმალურად ბევრი ფოტო დავდო და ზოგჯერ მკითხველის თვალითაც დავაკვირდე როგორ ვვითარდებით : )
ახლა, მე პატარა ვადის ორსულად მივიჩნევი. ზოგადი ინფორმაციისთვის ვიტყვი, რომ ექიმები ორსულობის ვადას სხვაგვარად თვლიან- არსებობს ორსულობის ვადა ციკლის მიხედვით და ორსულობის ვადა ჩასახვის მიხედვით. ციკლის მიხედვით, ვადის ათვლა იწყება უკანასკნელი პმს-ის მოსვლის პირველი დღიდან- ანუ ასე ვთქვათ ”1 კვირის ” ორსულად ითვლებით ჯერ კიდევ იმ დღიდან, როდესაც პმს გაქვთ და სულაც არ ფიქრობთ ამ მდგომარეობაზე. დასრულების შემდეგ, წესით ჩასახვა დაახლოებით 1 კვირა მაინც (ყველასთან ინდივიდუალურია) არ ხდება, მაგრამ ეს კვირაც ვადაში ითვლება, შემდეგ ხდება ჩასახვა და იწყება სანაყოფე პარკისა და მასში ემბრიონის განვითარება. იმ დროისათვის, როცა თქვენ მომდევნო პმს-ს ელოდებით და გადაცდენის შემთხვევაში ტესტსაც გაიკეთებთ, ჩასახვით შეიძლება მხოლოდ 1 კვირის ორსული იყოთ, მაგრამ ციკლის მიხედვით უკვე 3 კვირის ორსულად ითვლებით. მოკლედ რომ ვქვათ, მაშინ როცა ორსულობას ვიგებთ- უკვე 3-4 კვირისანი ვართ.
პირველი ექოსკოპია:
როგორც კი ეს ამბავი გავიგე, მეორე დღესვე დავგეგმე ვიზიტი ექიმთან. ზოგადად, სასურველი იყო 1 კვირა

ასე გამოიყურება სანაყოფე პარკი, ყველაფერი ამ წერტილით იწყება : )

ასე გამოიყურება სანაყოფე პარკი, ყველაფერი ამ წერტილით იწყება : )

მაინც მომეცადა და მერე მივსულიყავი. ვინაიდან, ამ ვადაზე შეიძლება ბევრი რამ არ გამოჩენილიყო, თუმცა ერთი კვირა შორს მეჩვენა და 2 დღის წინ წავედი. ექომ დაადასტურა 4-4.5 კვირის ორსულობა, საშვილოსნოს ღრუში. სამწუხაროდ, ამ ვადაზე არ ისმოდა გულისცემა და მხოლოდ სანაყოფე პარკი ჩანდა. მომდევნო კვლევისთვის დამიბარეს ერთ კვირაში. უნდა დავრწმუნდეთ, რომ პარკში ემბრიონი ვითარდება და გულისცემაც უკვე უნდა ისმოდეს. ცოტა ვღელავ, თურმე არსებობს შემთხვევები, როცა შესაძლოა ემბრიონი არ განვითარდეს ან რამე სხვა პრობლემა წარმოიშვას, რბილად რომ ვთქვათ ეს ის ვადაა, როცა ორსულობის საკითხს ჩემი ორგანიზმი წყვეტს. მისთვის პატარა ჩანასახი, ჯერ უცხო სხეულია. ასე რომ, ველოდები მომდევნო კვლევას. (ფოტო ჩემი არაა, მაგრამ ზუსტად ასევე გამოიყურება ჩემი კვლევი შედეგიც :))
მანამდე, ვცდილობ ვიფიქრო მხოლოდ პოზიტიურზე, ვიღებ ფოლიუმის მჟავას- რომელიც ორსულთა ერთგვარი ვიტამინია და ვცდილობ ფსიქოლოგიურად, მორალურად და ფიზიკურად შევეგუო ჩემ ახალ და ძალიან ტკბილ მდგომარეობას. : ) მანამდე, ბლოგზე მთვლელების და ფოტოების დამატებით შევიქცევ თავს : )
მომდევნო პოსტამდე

2013 in review

The WordPress.com stats helper monkeys prepared a 2013 annual report for this blog.

Here’s an excerpt:

A New York City subway train holds 1,200 people. This blog was viewed about 6,100 times in 2013. If it were a NYC subway train, it would take about 5 trips to carry that many people.

Click here to see the complete report.

Here I am

ბოლო პოსტის შემდეგ ფოთლებგაყვითლებულ ხეები გაშიშვლდნენ და თოვლიც მოვიდა (თან, არამარტო ბლოგზე). ამასობაში, ჩემ გა-ორ-ებულ ცხოვრებას შევეჩვიე. მოვეწყვე და დავეტიე, როგორც ერთ-ოთახიან ბინას უხდება ისე, თუმცა შეყვარებული ცოლ-ქმრის და თოხის ტარის ამბავიც გეცოდინებათ:).
ჯერ ისე ვარ თავმოუბმელი და ზარმაცი, ახლა სადიპლომო ნამუშევრას, სახლსა და სამსახურს შორის დროს ძლივს ვანაწილებ. თუმცა მიხარია, რომ ბევრი რამეა ისეთი, რაც გადაღლის საშუალებას არ მომცემს. მაგალითად, მომდევნო მოგზაურობა ევროპისკენ, ოღონდ ამჯერად არავითარი სწავლა, სტაჟირება ან რაიმე კვლევა! თან, არამც და არამც მარტო.
მხოლოდ მე და ჩემი ბიჭი!
ამიტომ, დაკავებული ვარ ყველა რომანტიკული და აუცილებლად სანახავი ადგილების სიის შედგენით. 10 დღე, არც ისე დიდი დროა, ბევრის ნახვას ვერ მოვასწრებთ, მაგრამ ჩვენსას ვეცდებით. მივდივართ იქ, ქართველებთან ყველაზე დიდი მსგავსებას რომ აბრალებენ- ემოციურ, გულღია, სტუმართმოყვარე, ფუმფულა იტალიელებთან <3.
ევროპული შობა და ახალი-წელი გველის, ჩვენ ცხოვრებაში პირველად ასე ერთად…
sweet-couple-cartoons-468-2


მუშკეტერი

 Baby Birthday Ticker Ticker

დღის სიმღერა

დაწერე ელ-ფოსტის მისამართი.

Join 227 other followers

მომწერე

biedronka.ch@gmail.com

biedronka.ch@gmail.com

ყველაზე კითხვადი პოსტები

Top.ge