წიგნი-ნაწილი II

მილენიუმის ტრილოგიის პირველ ნაწილზე ერთ-ერთ წინა პოსტში ვსაუბრობდი. ამჯერად მეორე ნაწილზე მინდა თქვენი ყურადღება შევაჩერო, მიუხედავად იმისა რომ მგონი ყველამ წაიკითხეთ და ბოლო მე დავრჩი 🙂 საერთოდ, კითხვისას მახასიათებს მისი გავლენის ქვეშ მოქცევა. სულაც არ ტყუის კეჟერაძე როცა კითხვას მოგზაურობას უწოდებს. თუ სიუჟეტმა გამიტაცა, თავსაც ვერ ამაწევინებთ და სულ არ ვისურვებდი იმ ადამიანის ადგილას ყოფნას ვინ ამ დროს გაბედავს და კითხვას  შემაწყვეტინებს. ასე დამემართა როცა ლარსონს კიდევ ერთხელ შევხვდი.

კაფანდარა გოგოს მეორე თავგადასავალი გაცილებით მძაფრსიუჟეტიანი და უფრო სახიფათო გამოდგა, ვიდრე პირველი. ფსიქოფატი მკვლელის კვალდაკვალ ერთდროულად სამი გამოძიება მიმდინარეობს. თქვენ შვედეთის ქუჩებში ხეტიალის გარდა, მიტოვებულ სოფლებსა და პოლიციის არქივებში ქექევაც მოგიწევთ. ლიზბეთი ამჯერად განგსტერებისა და თავზეხელაღებული ბაიკერების სამიზნეა, თუმცა ვინ ვის უმიზნებს ეს კიდევ საკითხავია.

არ შემიძლია ჩემი აზრი არ გამოვთქვა იმ მცირე ნიუანსებზე, რაც ცოტა არ იყოს მეზედმეტა. მაგალითად, მეეჭვება სალანდერისნაირ გოგონას მკერდის ზომა და სხვისი შეხედულებები აფიქრებდეს. შეიძლება ლარსონს მხოლოდ იმის ჩვენება უნდოდა, რომ ობიექტური მიზეზები რომ არა, ლიზბეთიც ქალია-სენტიმენტებითა და ქალური პრობლემებითო. მაგრამ მე ყოველგვარი კომპლექსებისგან თავისუფალი უფრო მომწონს. კიდევ იყო მცირე მონაკვეთები, თუმცა არაფერი ისეთი , ხსენებადაც არ ღირს.

ზრდასრული კალე და პეპი სახიფათო თავგადასავალში ამჯერადაც მოვლენების ეპიცენტრში არიან და პირობას გაძლევთ, პირველი ნაწილით აღფრთოვანებულებს იმედი არ გაგიცრუვდებათ.  ახლა ისღა დამრჩენია მშვიდად ველოდო მომდევნო ფილმს და რუნი მარას თამაშით დავტკბე. გამოგიტყდებით და ამ გოგონას ჩემი სახით ალბათ მუდმივი თაყვანისმცემელი შეემატა. დარწმუნებული ვარ სხვა ჟანრის ფილმებშიც მშვენივრად ითამაშებს, მაგრამ ჩემთვის ის მეტრაახევრიანი გაბედული ლიზბეთია, რომელიც ლარსონის მოგზაურობაში გავიცანი. აკი უწინასწარემტყველა კიდეც ფენჩერმა, ‘’ერთი როლის მსახიობობა’’ – გელისო.

საგა აქ არ სრულდება, წინ კიდევ მესამე ნაწილი გველის სადაც ცეცხლთან მოთამაშე დრაკონის ტატუიანი გოგონა კრაზანების ბუდეს მიადგება. აქ უკვე არჩევანის წინაშე ვდგავარ, დაველოდო ქართულ თარგმანს თუ ინგლისურ ვერსიას მივადგე, თუმცა ერთი რამ გადაწყვეტილია- ლიზბეთის ყველა თავგადასავალი მხოლოდ დიდი ეკრანზე უნდა ვნახო. 🙂

12 Responses to “წიგნი-ნაწილი II”


  1. 1 tami March 29, 2012 at 11:30 am

    მეც მეასმე ნაწილს ველოდები 😦 ერტჳ სული მაქვს როდის თარგმნიან, რომ გავიგო ბოლოსდაბოლოს როპგორ მთავრდება ლიზბეთის ისტორია.

    • 2 ჭიამარია March 29, 2012 at 12:33 pm

      იმრდია კარგად სრულდება.თუმცა ყველანაირი ფინალისთვის მზად ვარ. 🙂 ლარსონისგან აღარ გამიკვირდება სიურპრიზები 🙂

  2. 3 finiki March 29, 2012 at 11:43 am

    მე კი ჯერ პირველიც არ წამიკითხავს, არ ვიცი რას ველოდები. ისევ საშინელი ინტერესი გამიჩნდა.
    კარგია რომ ბლოგი ისევ ხელმისაწვდომი გახადე 🙂

    • 4 ჭიამარია March 29, 2012 at 12:32 pm

      ნამდვილად არ გაგიცრუვდება იმედები 😉

      ჰო, ისევ გავხსენი. ცოტა მივალაგ–მოვალაგე და 🙂

  3. 5 მოლი ბლუმი March 29, 2012 at 11:51 am

    მე ერთმნიშვნელოვნად ქართულ თარგმანს ველოდები. რუსულიც აქვე მაქვს და ინგლისურიც, მაგრამ ქართული მირჩევნია. ფილმიც კინოში ვნახე.

    • 6 ჭიამარია March 29, 2012 at 12:31 pm

      არ ვიცი, თუ მოვითმინე ზაფხულამდე მეც ალბათ ქართულს დაველოდები. ვნახოთ ჯერ 🙂 ვუძლებ

  4. 7 Kejeradze March 29, 2012 at 5:52 pm

    პირველის შემდეგ უფრო ადვილი იქნებოდა პაუზის გაკეთება, მაგრამ მეორე ისე დამთავრდა… “სასტიკმა” გამომცემლებმა შუა გზაში შემაწყვეტინეს მოგზაურობა და, ფორსაიტებისა არ იყოს, ორ ენაზე “წამაკითხეს” ერთი წიგნის ნაწილები 🙂

  5. 9 tsotnee March 29, 2012 at 9:30 pm

    პირველი – რა საყვარელი თემაა, ბექი მით უმეტეს. ❤
    მეორე – აუ რა მაგრად მაინტერესებს მეც.

    • 10 ჭიამარია March 29, 2012 at 11:08 pm

      დიდი მადლობა. ვეცადე გაზაფხული მომეყვანა და თან ზუტად ის ფერებია რომელიც ყველაზე მეტად მიყვარს.. მშვიდი 🙂

      მალე წაიკითხე ცოტნე, უკამყოფილო არ დარჩები და შენი აზრის გაზიარებაც არ დაგავიწყდეს მერე : )

      • 11 tsotnee March 30, 2012 at 3:42 pm

        ხო ლამაზია ძალიან. 🙂
        კი, აუცილებლად! 🙂


  1. 1 მილენიუმის ტრილოგია « კეჟერაძის ბლოგი Trackback on March 29, 2012 at 5:37 pm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s




დაწერე ელ-ფოსტის მისამართი.

Join 218 other followers

მომწერე

biedronka.ch@gmail.com

biedronka.ch@gmail.com

ყველაზე კითხვადი პოსტები

10 წიგნი
მოლი, აპოკალიფსი და სანტა-კლაუსი
ინგლისური ჩაის საღამო- ჩაი (ნაწილი IV)
ინგლისური ჩაის საღამო- ინგლისური იუმორი
ინგლისური ჩაის საღამო- ტიტანიკი
მე-ჯეინი
შეჩერდი წამო, მშვენიერი ხარ!
დაბადება
წერილი შენთვის
ინგლისური ჩაის საღამო- სტოუნჰენჯი (ნაწილი I)

%d bloggers like this: